2 Қазан – Техникалық және кәсіптік білім беру қызметкерлерінің күніне орай Еліміздің болашағын қалыптастыратын, білікті маман даярлауға үлес қосатын сала өкілдеріне алғыс білдіреміз.
«Кәсіп — менің тағдырым» бейнежобасы – жұмысшы мамандықтарының маңыздылығы мен құндылығын кеңінен насихаттауға бағытталған.
Арал көпсалалы колледжінің «Жеміс-көкөніс шаруашылығы» мамандығы бойынша білім алып жатқан болашақ маман бұл саланың елдің азық-түлік қауіпсіздігі мен халық денсаулығын жақсартудағы рөлін көрсетеді.
Мамандық өсімдіктерді өсіру, топырақ өңдеу, тыңайту, суару , зиянкестермен күресу , өнімді жинау мен сақтау сынды барлық технологиялық процестерді қамтиды. Сонымен қатар, өнімдерді өңдеу , консервілеу және жеткізу тәсілдері де меңгеріледі.
Жеміс-жидек — дәрумендерге бай табиғи өнім. Оларды сапалы өндіру — экономика мен экология үшін де маңызды.
Техникалық және кәсіптік білім – еліміздің дамуының кепілі, ал кәсіби мамандар – жарқын болашақтың іргетасы. Бірге өркендейік!
